Ótitlað

Aðalfundur Golfklúbbsins miðvikudaginn 27 mars 2019.

Kl. 20.30 í Sögumiðstöðinni

1. Kosning fundarstjóra. Stungið var uppá Guðna Hallgrímssyni. Samþykkt samhljóða.

2. Kosning fundarritara. Stungið uppá Unni Birnu Þórhallsdóttur. Samþykkt samhljóða.

3. Skýrsla stjórnar um störf og framkvæmdir á liðnu starfsári.

Garðar Svansson formaður flutti skýrslu stjórnar. (Sjá fylgiskjal 1) Helga Ingibjörg Reynisdóttir formaður skálanefndar lagði fram skýrslu skálanefndar. (Sjá fylgiskjal 2) Fleiri skýrslur komu ekki fram á fundinum.

4. Endurskoðaðir reikningar lagðir fram.

Einar Þór Jóhannsson gjaldkeri klúbbsins fór yfir ársreikninginn. Þar kemur í ljós að staða klúbbsins er ágæt. Styrkir til klúbbsins eru þó minni en áður hefur verið.
5. Umræður og atkvæðagreiðslur um skýrslu stjórnar og ársreikninga. Ársreikningarnir samþykktir samhljóða.
6. Lagðar fram tillögur og fjárhagsáætlun. Garðar og Einar fóru yfir þær. Ýmsar hugmyndir í bígerð til að auka tekjur. Ekki á að hækka félagsgjöldin. Útgjöld eiga að vera svipuð og áður. Ekkert ætti að koma á óvart.
7. Kosning formanns. Í framboði er Garðar Svansson. Engin mótframboð þannig að Garðar er sjálfkjörinn.
8. Kosning stjórnarmanna

Gjaldkeri verður Hinrik Konráðsson, kosinn til eins árs. Ritari verður Jófríður Friðgeirsdóttir, kosin til tveggja ára.
9. Kosning og /eða tilnefning í aðrar nefndir, sbr. 8.grein. Hermann Geir Þórsson gefur kost á sér sem formaður vallarnefndar. Ekkert mótframboð. Hermann verður formaður. Kristín Pétursdóttir gefur kost á sér sem formaður kvennanefndar. Samþykkt samhljóða. Helga Ingibjörg Reynisdóttir gefur kost á sér sem formaður skálanefndar. Samþykkt samhljóða. Unglinga og nýliðunarnefnd, enginn boðið sig fram. Fjáröflunarnefnd, Heimir Þór Ásgeirsson verður áfram formaður. Mótanefnd, enginn boðið sig fram. Fundarstjóri vísar til stjórnar að finna fólk í nefndir.
10. Kosnir 2 endurskoðendur og einn til vara. Guðni Hallgrímsson og Edvarð Vilhjálmsson halda áfram.
11. Önnur mál.

Formaður sagði frá því að Sigurþór Jónsson verður með kennslu fyrir hópa á vegum klúbbsins.

Umræða um Bárarvöll og hans framtíð.

Umræður um göngustíginn frá 1.holu yfir á 2.braut. Það þarf að laga hann. Það þarf að laga bönkerana, setja meiri sand og snyrta kantana. Það vantar fjármagn til að klára að gera það sem þarf á vellinum.

Starfsmannamál voru til umræðu en þau eru í vinnslu.

Formaður sagði frá því að á næsta ári verður klúbburinn 25 ára. Hann stakk uppá því að fá tilboð í golfferð haustið 2020.

Formaður þakkaði traustið og minnti á að starfið byggðist á virkni félaga. Þakkaði fráfarandi stjórnarmeðlimum fyrir vel unnin störf og bauð nýja stjórnarmeðlimi velkomna til starfa.

Fundi slitið kl.21.30

Unnur Birna Þórhallsdóttir ritari

Fylgiskjal 1

Góðir félagar

Starfsemi Golfklúbbsins Vestarr var með hefðbundnum hætti árið 2018. Hirða og ástand vallar var með besta móti og þeir kylfingar og gestir sem komu á völlinn voru mjög ánægðir með umgjörð og móttökur á velli og í skála. Að venju hafði veður töluverð áhrif á afkomu klúbbsins þetta árið og má segja að væntingar um spilaða hringi hafi engan veginn staðið undir sér. Vel var talað um starfsfólk okkar í sumar, bæði á velli og í skála. Viljum við þakka þeim góð störf í sumar.

Almennt eru félagsmenn ánægðir að koma á völlinn þar sem tekið er á móti þeim af starfsfólki í skála. Til að styrkja stöðu klúbbsins og auka viðveru starfsmanna í skál var leitað á haustmánuðum til Grundarfjarðarbæjar með þá hugmynd að Vestarr taki yfir umsjón með Tjaldsvæði Grundarfjarðar. Sú hugmynd er ennþá í mótun og viðræður við sveitarfélagið í gangi.

Eins og áður sagði spilaði veður stórt hlutverk í afkomu félagsins í sumar. Þrátt fyrir að tekjur af móts- og vallargjöldum hafi ekki verið eins og væntingar stóðu til þá tókst okkur að skila rekstri klúbbsins réttu megin við núllið. Inn í þeim tölum eru samt afborganir lána. Þröng staða hefur komið niður á framkvæmdum og eru sumar framkvæmdir orðnar aðkallandi. Skoða þarf með hvað hætti hægt er að koma nauðsynlegum framkvæmdum af stað. Stærsta hindrun okkar er fjármagn og tækjaskortur. Samstarf við sveitarfélagið hefur gengið vel og verið sterkur grunnur í fjármögnun klúbbsins og vonandi næst að auka það samstarf með auknum verkefnum og tekjum. Með því mætti fjármagna framkvæmdir sem eru framundan.

Á þessum aðalfundi láta 2 stjórnarmenn af störfum en Unnu Birna Þórhallsdóttir og Einar Þór Jóhannesson víkja úr stjórn og þökkum við þeim fyrir góða starf, jafnframt hefur Gunnar Ragnarsson ákveðið að víkja úr sæti formanns mótanefndar og færum við honum einnig góðar þakkir fyrir gott starf. Öllu stjórnar- og nefndarfólki þakka ég gott starf og hlakka til samstarfs á komandi árum.

Gleðilegt golfsumar

Garðar Svansson

Fylgiskjal 2

Golfklúbburinn Vestarr.

Skýrsla Skálanefndar starfsárið 2018

Skálanefnd annast eftirlit með skálanum í samstarfi við starfsmenn klúbbsins og gjaldkera og gengur eftir því að skálinn og umhverfi hans sé ávallt hreint og snyrtilegt.

Starf skálanefndar var með svipuðu móti og síðasta ár.

Þær stöllur Steinunn og Þórey sáu um skálann annað árið í röð og var hann þrifinn hátt og lágt í upphafi og enda sumars. Alveg til fyrirmyndar.

Eins og oft áður spilaði veðrið inn í að ekki var mikil traffík á vellinum og þar af leiðandi ekki heldur í skálanum. En þær stöllur hafa verið ansi duglegar við að bjóða upp á ýmiskonar kræsingar og hvet ég fólk til að koma við í og tékka á úrvalinu.

Útibekkir og pallur voru málaðir.

Að öllum líkindm verða þær ráðnar aftur næsta sumar, þ.e.a.s. ef þær skila sér frá Spáni.

Formaður skálanefndar, formaður kúbbsins ásamt formanni vallarnefndar fóru yfir það sem gera þarf í skálanum og var það einna helst að gera varanlega við leka á gluggum. Þeir Garðar og Hermann töluðu um að fara í það verk í vetur!

Árshátíð mynd.jpg Glæsileg árshátíð var haldin 15. september en arfaslök mæting kúbbfélaga var þetta árið!