Heimasíða Golfkl. Vestarr, stofn. 1995 s: 438-6520

Færslur: 2015 Febrúar

26.02.2015 16:55

SNAG námskeið

Föstudaginn 13. mars nk. verður SNAG leiðbeinendanámskeið haldið í Hraunkoti í Keili í Hafnarfirði. Námskeiðið er opið öllu áhugafólki um útbreiðslu golfíþróttarinnar, golfkennurum, íþróttakennurum, þjálfurum og almennum kylfingum. Þeir sem vilja nýta námskeiðið til að auka eigin golfþekkingu eða kynnast nýjum skemmtilegum hlutum í golfheiminum eru velkomnir. Námskeiðið gefur alþjóðleg réttindi á fyrsta stigi SNAG golfkennslu.

SNAG stendur fyrir Starting New At Golf og berst nú hratt um heiminn. SNAG hefur aukið möguleika á útbreiðslu golfsins til muna því að með SNAG búnaði og kennslufræði er hægt að gera golfnámið og golfkennsluna skemmtilegri og auðveldari. SNAG golf er hægt að stunda bæði úti og inni og henta íþróttasalir og skólalóðir einstaklega vel fyrir kennsluna. Æ fleiri kennarar og skólar á mismunandi skólastigum vilja bjóða nemendum sínum að læra undirstöðuatriðin í golfi með SNAG kennslufræðinni í íþróttatímum í bland við aðrar íþróttir eða sem sérstakt valnámskeið. Um 7000 manns hafa kynnst golfinu í gegnum SNAG búnaðinn og eru SNAG leiðbeinendurnir orðnir um 90 talsins frá 30 sveitarfélögum á landinu.

SNAG Starting New At Golf - leiðbeinendanámskeið - fyrsta stig

Námskeiðið er fyrsti hluti af SNAG kennslu- og þjálfunarkerfinu og veitir réttindi sem fyrsta stigs SNAG golf leiðbeinandi

Leiðbeinandi: Magnús Birgisson PGA, SNAG Master kennari

Staðsetning: Hraunkot, Golfklúbbnum Keili, Steinholti 1, 220 Hafnarfirði

Tímasetning: Föstudaginn 13. mars 2015. Kl. 9.00-15.00

Verð: 12.500 fyrir námskeiðið, SNAG handbók, morgun- og hádegishressingu.

Skráning á námskeiðið og nánari upplýsingar veittar í gegnum netfangið ingibjorg@hissa.is og í síma 775-0660 / 898-7250

  • 1

Vafraðu um

Flettingar í dag: 430
Gestir í dag: 91
Flettingar í gær: 309
Gestir í gær: 84
Samtals flettingar: 1612564
Samtals gestir: 186518
Tölur uppfærðar: 12.12.2018 19:38:25

Tenglar