|
Heimasíða Golfkl. Vestarr, stofn. 1995 s: 438-6520 |
|
Færslur: 2013 Júlí30.07.2013 09:54Vanur óvanur mót9 holu skemmtimót fimmtudaginn 1.08.2013.  Spilað verður !!!!!!!! vanur / óvanur.  Ræst út á öllum teigum kl: 18.00, mæting kl: 17.30. Spáin er góð, sól og smá andvari. Þátttökugjald 1.000 kr pr einstakling. Skrifað af AMR 29.07.2013 16:53ÓtitlaðFRÉTTIR af Bárarvelli 29. júlí 2013 Eins og áður sagði þá hafa brautir, flatir og röff verið slegið í dag. Það eru þó nokkrir búnir að spila í dag og eru að spila. Völlurinn er alltaf að verða betri og betri og lítur mjög vel út núna. Nú Finni Nilla fór hér framhjá áðan þannig að það er allt hér eins og það á að vera. Skrifað af Gummi Gísla 29.07.2013 13:25ÓtitlaðTAKK FYRIR Eins og hefur komið fram þá átti klúbburinn afmæli s.l. laugardag þann 27. júlí. Að því tilefni bárust margar afmæliskveðjur sem við þökkum innilega fyrir. Nú er verið að slá brautir og röff, flatirnar voru slegnar í morgun. Hér er sól og blíða en ekkert hefur sést til Finna Nilla. Skrifað af Gummi Gísla 27.07.2013 13:00ÓtitlaðTIL HAMINGJU MEÐ DAGINN Fyrir 18 árum þann 27. júlí 1995 var Golfklúbburinn Vestarr stofnaður þannig að hann á afmæli í dag. Það er óhætt að segja að veðurguðirnir leiki við okkur á afmælisdaginn enda verða þeir með dansleik í kvöld ásamt honum Ingó. Skrifað af Gummi Gísla 26.07.2013 20:29Úrslit úr Opna Soffanías Cecilsson hf
Opna Soffanías Cecilsson hf Föstudaginn 26 júlí 2013
Næst holu á 4/13. Pétur Georg, GVG 1.05m Næst holu á 8/17. Egill Egilsson GMS. 2.82m Næst holu í öðru högg á 1/10. Garðar Svansson GVG 0.00m Besta skor, Guðlaugur Rafnsson, GJÓ. 73 högg. 5. sæti, Hermann Geir Þórsson GVG 34 punktar 4. sæti, Guðlaugur Rafnsson GJÓ. 36 punktar 3. sæti Magnús Jónsson GVG. 37 punktar 2. sæti Jófríður Friðgeirsdóttir GVG. 43 punktar 1 sæti Freyr Jónsson GKJ. 45 punktar
Verðlaunahafar eru minntir á að mæta við hátíðarpall kl. 14.00 laugardag og taka við verðlaunum. Golfklúbburinn Vestarr þakkar Soffanías Cecilssyni hf fyrir myndarlega stuðning við mótið en auk verðlauna var keppendum boðið upp á frábæra súpu sem Anna Bergsdóttir sá um að miklum myndarskap. Keppendum mótsins og starfsfólki þökkum við fyrir skemmtilegt mót í frábæru veðri.Mótanefnd Vestarr. Ágúst Jónsson Dóra Henriksdóttir Edvarð Vilhjálmsson Helga Reynisdóttir Gunnar Ragnarsson Garðar Svansson 25.07.2013 18:29ÓtitlaðFRÉTTIR af Bárarvelli 25. júlí 2013 Hér er búið að vera mikið líf og fjör í dag. Krakkarnir að ljúka námskeiðinu og mikil gleði var þar ríkjandi. Þá voru brautir slegnar ásamt flötum einnig var snyrt í kringum allar glompur og í kvöld verða teknar nýjar holur fyrir mótið á morgun. Ég lenti í því í morgun að einn útgerðarmaður hér í bæ var nærri búinn að slá kúlu í hausinn á mér en sem betur fer slapp ég, en kannski hefði ég bara skánað við að fá hana í hausinn. Til að gleðja lesendur þá hefur sést til Finna Nilla á fartinni og tekur eflaust einhver gleði sína aftur. 23.07.2013 18:19ÓtitlaðMeira af fuglalífi Ég hef áður talað um fjölskrúðugt fuglalíf hér á vellinum í sumar. Þennan kríuunga rakst ég á er ég var að loka vélageymslunni áðan og var mamma hans greinilega ekki ánægð með þá athygli er ég sýndi unganum.   Skrifað af Gummi Gísla 23.07.2013 12:20ÓtitlaðKVENNAGOLF í dag Vegna veðurs hefur verið ákveðið að hafa kvennagolf í dag kl. 17:15. Svo það er um að gera stelpur að mæta, nú er engin afsökun fyrir að skrópa Skrifað af Gummi Gísla 22.07.2013 17:02ÓtitlaðNámskeiðið hafið Nú rétt í þessu var að hefjast golfnámskeiðið fyrir krakkana. Mæting er verulega góð og er fjöldinn nærri 30 krakkar. Þar sem það gleðilega er að svona margir mæta hefur verið ákveðið að bjóða upp á það að þeir sem vilja geta komið frá kl. 10-12 og svo aðrir frá 13-15. Það má sjá nokkrar myndir frá í dag á Facebook-síðunni Golfklúbburinn Vestarr. Skrifað af Gummi Gísla 22.07.2013 08:52ÓtitlaðNÁMSKEIÐIÐ BYRJAR Í DAG Golfnámskeiðið fyrir krakka byrjar kl. 13:00 í dag. Það er greinilega mikill áhugi fyrir þessu námskeiði og er vonandi að við sjáum sem flesta krakka koma og kynnast golfíþróttinni. Skrifað af Gummi Gísla 19.07.2013 14:40ÓtitlaðBÁRARVÖLLUR 19. júlí 2013 Nú er verið að slá brautir, búið er að slá flatir í morgun og er verið að bera áburð á þær núna. Þá er verið að slá út í bæ græn svæði fyrir bæinn. Ég sagði frá því um daginn að það væri mjög fjölskrúðugt fuglalíf á vellinum og utan. Þessa mynd tók ég í morgun af sandlóu við dyr vélageymslunar, en hún reyndi að lokka mig í burtu frá unganum sínum sem var þarna rétt hjá.  Skrifað af Gummi Gísla 19.07.2013 09:29ÓtitlaðSOFFAMÓTIÐ 2013 HÉR KOMA UPPLÝSINGAR UM MÓTIÐ Ræst er út kl. 8:00-10 og aftur frá kl. 12:40-15:00 Fyrirkomulag Annað - sjá lýsingu Völlur Bárarvöllur Skráning 09.05.13 - 26.07.13 Mótsgjöld Ekki er hægt að greiða með Visa eða Mastercard við skráningu á netinu Kvennaflokkur : 4500 ISK Karlaflokkur opinn : 4500 ISK Skrá í mót Upplýsingar Soffanías Cecilsson hf opið mót Haldið á bæjarhátíðinn Á góðri stundu í Grundarfirði Boðið er upp á heimalagaða og matarmikla súpu ásamt brauði. Leikmenn í fyrri ráshóp eftir 9 holur og seinni ráshópur áður en leikur hefst. Verðlaunaafhending verður á hátíðarpalli á laugardeginum 27 um kl. 14.00. Verðlaunahafar eru beðnir að mæta þar og taka við verðlaunum sínum. Glæsilegir vinningar. Hámarksforgjöf í móti. 24 hjá körlum og 28 hjá konum Verðlaun eru Gjafabréf hjá Golfbúðinni Hafnarfirði Einungis kylfingar með löglega forgjöf geta unnið til verðlauna Besta skor. 20.000.kr Punktakeppni 1 25000kr 2 20000kr 3 15000kr 4 10000kr 5 10000kr Nándarverðlaun á 4/13 og 8/17 og annað högg á 1/10 Garðar 6621709 Skrifað af Gummi Gísla 18.07.2013 14:15Mót framundanMót famundan, Skráning fer fram á www.golf.is 24.07. HSH Víkurvelli 26.07. Soffamótið Bárarvelli 08.08. Mótaröð Vestarr 10.08. Kristmundsbikarinn Bárarvelli 11.08. Vestarr Vikingur/Valkyrja Bárarvöllur 16.08. Sveitakeppni konur Víkuvelli/karla Grænanesvöllur 17.07.2013 17:33ÓtitlaðBUXURNAR voru orsökin Er ég var að slá flatirnar áðan fór mér að líða eitthvað undarlega og hélt kannski að ég væri að fá einhverja pest. Þetta fór versnandi eftir því sem á sláttinn leið, en ég harkaði af mér. Er ég kom niður í skála hitti ég tvo klúbbfélaga sem spurðu mig undrandi "Gummi! ertu hættur að halda með United?" ha sagði ég nei ertu alveg frá þér. Nú afhverju ertu þá í þessum buxum? Ég hafði farið í utanyfirbuxur er ég fann inn í geymslugám er ég fór að slá með orfinu. Er ég fór að skoða þessar buxur betur rak ég augun í stærðarinnar Liverpoolmerki á þeim. Það var ekki nema von að mér liði illa við sláttinn. Ég dreif mig strax úr þeim og leið strax betur til sálar og líkama. Þegar ég fór að velt fyrir mér hvers vegna þessar buxur væru hér, komst ég að þeirri niðurstöðu að Finni Nilla hefði gleymt þeim hér. En það hlýtur að vera fyrir mörgum árum því hann kemst alveg örugglega ekki í þær núna. Það skyldi þó aldrei vera að þetta ráp á honum fram í sveit sé vegna þess að hann sé að leita að þeim og muni ekki hvar hann fór úr þeim. FRÉTTIR af Bárarvelli 17. júlí 2013 Hér er búið að vera gott veður í allan dag og ef eitthvað er þá er það, að það verður sífelt betra. Í dag slógum við röff, brautir og flatir ásamt því að halda áfram við að snyrta. Skrifað af Gummi Gísla |
Vafraðu um Flettingar í dag: 134 Gestir í dag: 37 Flettingar í gær: 228 Gestir í gær: 86 Samtals flettingar: 1642855 Samtals gestir: 192596 Tölur uppfærðar: 20.2.2019 03:35:56 TenglarEldra efni
|