|
Heimasíða Golfkl. Vestarr, stofn. 1995 s: 438-6520 |
|
Færslur: 2013 Júní30.06.2013 08:41FRÉTTIR 30. júní 2013FRÉTTIR af Bárarvelli 30. júní 2013 Her er hið fegursta veður og völlurinn fallegur. Hitinn er kominn í 12 stig og smá gjóla. Sjá má myndir sem teknar voru í morgun á facebooksíðunum: Golfklúbburinn Vestarr og Guðmundur Gíslason. Skrifað af Gummi Gísla 27.06.2013 17:10FRÉTTIR 27. júní 2013Í dag voru brautir og flatir ásamt röffi slegið fyrir mótið í dag. Mótið hafið Þá er mót nr. 2 hafið í mótaröð golfklúbbsins og eru 10 keppendur með Guðna Hall í fararbroddi. Sumir höfðu á orði er þeir sáu Guðna mæta, að það þýddi ekkert að vera með því Guðni ynni orðið öll mót. Þeir létu sig samt hafa það að vera með og Gunni Ragga sagðist ætla að vinna núna. Skrifað af Gummi Gísla 26.06.2013 11:48Fréttir 26. júní 2013Aldrei þessu vant þá er smávindur og rigning en hitastigið er um 10 stig. Nú viðbrögð við leiknum "Haltur leiðir blindan" eru byrjuð. Guðni píp hringdi í gær og þakkaði fyrir tölvupóst er hann fékk um mótið og sagði að aldrei þessu vant hefðu golfarar munað eftir sér, og væri hann alvarlega að hugsa um að vera með. Lítið er hægt að slá í augnablikinu en borinn var áburður á allar flatir í gær ásamt því að gata þær og svo voru teigar slegnir. Finni Nilla hefur ekkert sést í dag enda ekki komið hádegi Skrifað af Gummi Gísla 25.06.2013 14:19Síðkjólamót Vestarr 2013
Þá er komið að því að fara að dusta rykið af síðkjólnum eða klára síðasta sauminn!
Leikfyrirkomulag: Texas scramble Vanar-óvanar: Raðað í lið á staðnum. Mæting í skála kl.16:30. Boðið verður upp á skvísulegan fordrykk.
Ræst verður út frá öllum teigum kl. 17:00. Eftir mót verður boðið upp á dömulegar veitingar. Verð kr. 3.000.-
Veitt verða verðlaun fyrir m.a.: Fæst högg Glæsilegustu konuna Óvissuverðlaun
Hvetjum allar golfskvísur til að taka með sér aðrar skvísur. Lofum skemmtilegum golfhring og eigum saman ljúfa stund eftir hann. Skráning á golf.is eða hjá Bryndísi í síma: 8621355 eða á netfang: bryndistheo@gmail.com Kveðja, kvennanefndin25.06.2013 09:27FRÉTTIR 25. júní 2013Hér er svo til logn og hið besta veður. Eins og ég gat um í gær þá ætlum við að fara af stað með leikinn "Haltur leiðir blindan" sem er mjög skemmtilegur og gefandi. Hér er svo fyrirkomulag leiksins: Haltur leiðir blindan Nú er þessi skemmtilegi leikur að fara af stað en hann gengur út á það að vanur og óvanur fara saman í golf. Sá vani er skuldbundinn til að sjá um það að sá óvani fari 3 sinnum í golf, og þarf að sjá til þess að hann mæti. Og ef með þarf þá bara ná í hann og koma honum á svæðið. Ekki þarf að spila heilan hring, það nægir að fara á æfingasvæðið eða bara nokkrar holur. Málið er einfalt, það er að vanur spilari dragi einhvern með sér í golf og þarf sá ekki að vera í klúbbnum. Til að velja hverjir lenda saman þá drögum við saman pörin eftir skráningu. Fyrirhugað er að hefja þennan leik mánudaginn 1. júli. Skráning er hjá eftirtöldum: Á facebook-síðu klúbbsins Golfklúbburinn Vestarr og einnig á facebook-síðuna Guðmundur Gíslason. Einnig getur fólk hringt í Gumma Gísla 662-2430. Skráningu lýkur sunnudaginn 30. júní. Í þessum leik er ekkert þátttökugjald, heldur er verið að reyna að fá fólk sem ekki er að spila golf reglulega til að fara að byrja. Í lokin verður mót með Texasscramble fyrirkomulaginu og smá hullumhæ á eftir. Vonumst til að sem flestir verði með. Þið sem eruð í klúbbnum deilið þessu til sem flestra og hvetjið þá til að vera með. Skrifað af Gummi Gísla 24.06.2013 15:27FRÉTTIR 24. júní 2013Það er eins og venjulega hér, alltaf sama blíðan. Verið var að slá brautir og flatir. Síðast sagði ég frá því að ég sæti uppi með hund frá Finna Nilla. Það gekk nú ágætlega að passa kvikindið, en eitt kvöldið hélt ég að ég hefði tapað því út. En eftir mikla leit þá fann ég dýrið sofandi í svörtu skjalatöskunni minni, sem ég nota við getraunadæmið á veturna. Er ég viss um að Finni hefur lagt ríka áherslu á við dýrið að gera þetta, að sofa innan um getraunaseðla svo hann gæti haft það sem makker í vetur. Á morgun mun ég segja frá leik sem er að fara af stað hjá okkur og heitir "Haltur leiðir blindan" en til að forðast allan misskilning þá felst leikurinn ekki í því að Gummi Reynis leiði Gumma Gísla um golfvöllinn. En hvað um það meira á morgun og fylgist því með. Æ meðan ég man, Finni Nilla fór sinn rúnt hér framhjá áðan, og kom ekki við. Skrifað af Gummi Gísla 21.06.2013 15:21JónsmessumótAf óviðráðanlegum orsökum verðum við að fella niður Jónsmessumótið á morgun. Mótanefnd 21.06.2013 15:16FRÉTTIR 21. júní 2013Hér er bongóblíða eins og alla aðra daga. Búið er að slá allar brautir og nú er verið á fullu við að vökva flatirnar. Þá hefur verið hugað að trjánum á vellinum og snyrt í kringum þau. Finni Nilla hefur ekki verið á rúntinum hér, enda staddur á ættarmóti á Siglufirði. Hann náði sér vel niðri á mér vegna sífelldra skrifa um heimsóknir hans til einhvers kvenmanns fram í sveit. Því hann fékk mig til að passa hundinn sinn á meðan hann færi norður. Og nú sit ég uppi með hundkvikindið í nokkra daga. Skrifað af Gummi Gísla 21.06.2013 08:23FRÉTTIR 21. júní 2013Takið eftir Í kvöld föstudaginn 21. júní 2013 er 1. teigur lokaður frá kl. 20-21 vegna móts er byrjar þá. Þetta gæti tekið skemmri tíma en við skulum miða við þennan tíma. Skrifað af Gummi Gísla 18.06.2013 13:10Snæfellsnes mótaröðinSælir félagar Nú er komið að 3 mótinu í Snæfellsnes mótaröðinni og er komið að Mostramönnum að halda mótið Góð þátttaka hefur verið á þeim 2 mótum sem eru búinn og því um að gera að fjölmenna á Víkurvöll í Stykkishólmi og taka þátt í skemmtilegu móti. Veitt eru verðlaun fyrir hvert mót fyrir sig og einnig eru verðlaun fyrir bestan árangur samanlagt í 3 mótum af 4. 17.06.2013 18:23Bikarkeppni Vestarr 2013Nú er að koma í ljós hvernig 1 umferð spilast. Til að fá niðurstöðu í 8 manna úrslit þurfum við bráðabana og eru það Svanur og Bent annarsvegar og Kristín og Edvarð hinsvegar. En annar lítur þetta svona út. 8 manna úrslit. Guðni Hallgríms / Svanur eða Bent. Ásgeir Ragnarsson/ Gunnar Ragnarsson Steinar Alfreðsson / Dagbjartur Harðarson Garðar Svansson / Kolbrún Haraldsdóttir og þeir sem töpuðu Unnur Birna / Edvarð eða Kristín Jófríður Friðgeirsdóttir / Freydís Bjarnadóttir Bergur Dagbjartsson / Hermann Geir Þórsson Þór Geirsson / Bryndís Theódórsdóttir Leik skal lokið fyrir 9 júlí. 14.06.2013 15:14Fréttir 14. júní 2013Eitthvað virðist þokan sem skall á í gærkvöldi vera að þynnast og hitastigið er komið í 13 gráður. Núna rétt áðan lauk keppni þeirra Gæja Svans og Tóta í Bikarkeppninni með sigri Gæja 2-1. Þá er Bent búinn að týna sveiflunni einu sinni enn, en sem betur fer er hann með ungan gutta með sér sem aðstoðar hann við að finna hana aftur. Verið er að slá brautir og snyrta röff ásamt því að mála girðingarstaura. Mikla athygli mína hefur vakið hvað kvenfólkið sem býr í framsveitinni keyrir hratt hér um. Þó keyrar þær hraðar er þær eru á leiðinni að heiman, hvað sem veldur. Finni Nilla vinur okkar er byrjaður aftur að keyra framhjá án þess að koma við, en hann hefur ekki sést síðan við ályktuðum að hann væri að heimsækja einhvern kvenmann fram í sveit. Skrifað af Gummi Gísla 12.06.2013 15:17Fréttir 12. júní 2013Halló, sælt veri fólkið! Nú er verið að slá flatirnar og brautirnar en búið er að slá röffið. Hitastigið er aftur komið í 15 stig og hægur andvari, alveg tilvalið veður til að bregða sér á völlinn og spila golf. Aðkoman að vellinum batnar og batnar, nú er búið að mála hliðin inn á völlinn og líta þau bara vel út. Búið er að setja upp 4 öryggismyndavélar þannig að við erum alltaf í mynd (má kannski selja þetta sem raunveruleikaþátt í sjónvarpið). Búið er að gera við og standsetja litlu gulu sláttuvélina og sláttuorfið þannig að öll sláttutæki eru í góðu lagi. Ég fékk ábendingu um það í morgun að bönker héti glompa upp á íslensku, og skal ég reyna að muna það í framtíðinni. Bent lét sjá sig í dag en við vorum farnir að hafa áhyggjur af honum því hann sást ekkert í gær. Læt þetta duga í dag meira á morgun Skrifað af Gummi Gísla 11.06.2013 17:43Fréttir 11. júní 2013Þá er enn einn dýrðardagurinn langt kominn og alltaf batnar völlurinn. Í dag var unnið við að laga flatir og bönkera ásamt því að gata og sanda púttvöllinn. Þá var byrjað á því að mála girðingastaurana kringum völlinn og hin nýju hlið sem komin eru upp , bæði inná völlinn og svo æfingasvæðið. Einnig var haldið áfram að hlúa að trjáplöntunum á vellinum. Hitastigið í dag fór í 16 stig og var ekki amalegt með smá golu. Vélarnar eru í stöðugu viðhaldi svo sláttur verði sem bestur. Vonumst til að sjá ykkur sem flest koma og spila á vellinum. Skrifað af Gummi Gísla
|
Vafraðu um Flettingar í dag: 151 Gestir í dag: 40 Flettingar í gær: 360 Gestir í gær: 45 Samtals flettingar: 1727662 Samtals gestir: 207629 Tölur uppfærðar: 19.10.2019 16:58:25 TenglarEldra efni
|