Stelpurnar í klúbbnum tóku sig til og héldu síðkjólamót í gær.  Þáttakan var frábær og stemningin einnig.
Myndir segja fleira en mörg orð, http://vestarr.net/photoalbums/230119/





Endilega skoðið allar myndirnar, þetta var fríður hópur og vel til fundið að skella þessu í framkvæmd.

Af gefnu tilefni viljum við í stjórninni minna á tvennt.

Það á að skrifa sig í bókina sem er inni í skála áður en farið er á teig.  Þessi regla gildir yfir alla, enginn undanþeginn.

Annað.  Það ber talsvert á því að æfingaboltar liggi eins og hráviði á fyrstu braut.  Þetta er algerlega bannað.  Ef klúbbmeðlimir verða varir við að einhver sé að gera sér þetta að leik vinsamlegast látið okkur í stjórninni vita.  Það eru mikil forréttindi að fá ókeypis æfingabolta.  Enginn annar klúbbur á landinu svo við vitum amk gerir svo vel við sína meðlimi.  Reynum því að sýna því virðingu og umgöngumst það þannig að við getum áfram leyft okkur þetta.

Sá ánægjulegi atburður gerðist þann 16. júní að Sverrir Karls fór holu í höggi á 17. braut (eða áttundu eins og við erum vön að kalla hana).
Gerðist þetta í bikarmótinu þegar Sverrir var að keppa við hann Jón Björgvin.
Greinilegt er að Sverrir kann við sig á 8 braut því á fyrri hring fékk hann fugl á sömu braut.
Til verksins notaði Sverrir svo driver
Hér er mynd af kappanum við tækifærið:


Óskum við öll Sverri innilega til hamingju með afrekið.

Þann 12 júní var spilað á Bárarvelli 2 mótið af 4 í Snæfellsnes mótaröðinni. Styrktaraðili mótaraðinnar  er Landsbankinn.

Mótið er spilað á öllum fjórum völlum Snæfellsnes og var fyrsta mótið spilað á Fróðárvelli í Snæfellsbæ
annað mótið á Bárarvelli, þriðja mótið verður svo spilað á Garðavelli undir Jökli þann 19 júní og síðasta mótið á Víkurvelli þann 26 júní.

Úrslit þann 12 júní voru þannig

Dóra Henriksdóttir GVG 38 punktar
Pétur Pétursson  GJÓ 38 punktar
Steinar Þór Alfreðsson GVG  38 punktar
Hermann Geir Þórsson GVG 37 punktar
Gunnar Björn Guðmundsson GMS 35 punktar

Besta skor
Pétur Pétursson GJÓ  73 högg

Í fyrst móti Vestarr mótaraðarinnar urðu úrslit þessi

Besta skor
Hermann Geir Þórsson   75 högg

Flestir punktar
Freydís Bjarnadóttir    43
Jófríður Friðgeirsdóttir 41
Gunnar Ragnarsson   39

Minnum á fyrsta mótið í Vestarr mótaröðinni

Ræst er út á 1 teig frá kl. 17.00 til 18.30 Keppendur eru minntir á að mæta tímalega. Skráning á golf.is Einnig er skráning í síma 6621709 Skráningu lokar kl. 17.00 á mótsdag Innanfélagsmót. Fyrirhugað er að halda 7 mót í mótaröðinni og að 3 mót telji til heildar stiga. Veit verða verðlaun eftir hvert mót.

Kæru félagar, frá og með deginum í dag er settagámurinn kominn formlega í notkun.
Það þýðir að þeir sem ekki eru búnir að kaupa eða leigja sér pláss verða að fjarlægja settin sín eða annan útbúnað sem þeir eiga og er í gámnum.

Settageymslan verður læst frá og með deginum í dag.

Leiga á plássi er kr 5.000 per ár
Kaup á plássi er kr 30.000 - þá er um eign að ræða sem erfist eða hægt er að selja aftur.  Ætíð stendur til boða að klúbburinn kaupi plássið aftur á hálfvirði.
Einnig verða settir upp standar sem hægt er að setja samanbrotin sett upp í, á tveim hæðum.  Þau pláss vera seld á 10.000 en eftir er að koma þeim upp.

Enn er smá vinna eftir í gámnum, eftir er að marka nákvæmlega útlínur plássana, klæða tvær hliðar, koma fyrir ljósum og einnig mun eftirlitsmyndavél vakta gáminn.  Þeir sem eiga pláss geta sett upp skápa eða hvað annað sem þeir vilja hafa í sínu plássi.

Áhugasamir um kaup eða leigu vinsamlegast hafið samband við Þórð Magnússon.

PS.  Muna að mæta á mótið í dag!