Heimasíða Golfkl. Vestarr, stofn. 1995 s: 438-6520

Færslur: 2011 Maí

29.05.2011 22:23

Félagsfundur um framtíðarskipulag.

Í samræmi við ákvörðun stjórnar þann 19. Maí 2010 munum við fá Edwin Roald Rögnvaldsson golfvallarhönnuð til þess að vinna með framtíðarhugmyndir um skipulag Bárarvallar.   Hugmyndin er eftirfarandi:

Haldinn verður almennur félagsfundur 2. júní kl 11,30. (sennilega í sögumiðstöðinni ef við fáum húsið - verður auglýst bæði á síðunni og sent með sms fundardaginn)  Á þann fund mun Edwin mæta og við förum yfir hverja braut fyrir sig.  Allar hugmyndir eru á þeim fundi jafngildar og ekki verður farið í gagnrýni á þær hugmyndir heldur þær einungis skrifaðar niður og fólki gefið tækifæri á að rökstyðja sínar hugmyndir ef það kærir sig um.  Þeir sem það geta vinsamlegast komið hugmyndum til stjórnar fyrir fundinn þar sem það flýtir allri vinnu.

Eftir þann fund tekur Edwin saman allar þær hugmyndir sem fram komu á fundinum og setur þær upp með sínum eigin rökstuðning, þannig að hann mælir annað hvort með þeim breytingum eða á móti sem og hefur hann einnig frjálsar hendur um eigin tillögur.  Þá verður haldinn annar fundur,um það bil tvær vikur eftir fyrri fundinn, þar sem Edwin mætir aftur og farið verður yfir hans vinnu og kosið um hverja og eina breytingartillögu þar sem hver og einn félagsmaður hefur eitt atkvæði.

Hugmyndin með þessu fyrirkomulagi er að skapa stjórnum langtímamarkmið þannig að stjórnir geti forgangsraðað eftir fyrirfram samþykktu plani.  Fundir af þessu tagi gætu verið gott að hafa á u.þ.b. tíu til fimmtán ára fresti.  Félagsmenn eru því hvattir til að mæta á þennan fund sem verður rækilega auglýstur og félagsmenn eiga ekki að vera mikið að hugsa um fjármál þegar þeir koma með sínar hugmyndir þar sem þetta eru langtímaplön og erfitt að segja til um hversu vel klúbburinn mun standa eftir 5,10 eða 15 ár.

Heimasíða Edwins er: https://sites.google.com/a/edwinroald.com/golf-course-design/Home/islenska

Við munum dreifa blöðum á fundinum sem er með völlinn okkar eins og hann nokkurnveginn er svo fólk geti skrifað inn á þær, teiknað eða sett inn athugasemdir.  Það er mjög miklivægt að fólk komi með svolítið meitlaðar hugmyndir inn á fundinn.  Einnig mjög mikilvægt að öll sjónarmið komi fram, það er engin ein rétt skoðun á svona málum.  Vonandi koma sem flestir og vonandi koma fram margar frjóar hugmyndir.

29.05.2011 20:16

Kvennanámskeið

Næstkomandi þriðjudag, 31. maí, hefst þriggja skipta kvennanámskeið þar sem farið verður í pútt, vipp og slátt. Námskeiðið verður kl. 19:30 til 20:30 (athugið að þetta er breyttur tími m.v. auglýsingu) næstu þrjú þriðjudagskvöld. Þær sem vilja skrá sig vinsamlegast hafið samband við Einar í síma 894-2502 eða á netfangið eg@stykk.is

Kær kveðja,
Einar Gunnarsson
PGA golfkennari

29.05.2011 17:59

Vinaklúbbakeppni kvenna

Vinaklúbbakeppni kvenna fór fram á Bárarvelli í dag í norðan roki. Leik var frestað eftir að búið var að leika texas. Reynt verður að klára keppni þriðjudaginn 14.júní. Leikar standa 31/2 Vestarr geng 21/2 Mostri.
Sjá fleirri myndir í albúmi.

29.05.2011 14:52

Kennsla

Einar Gunnarsson PGA kennari mun vera með kennslu á þriðjudaginn 31. maí frá klukkan 16 og fram eftir kvöldi.

Vorið er alveg að koma og það er engin afsökun lengur - drífum okkur út á völl og störtum sumrinu.

Sjáumst á vellinum, Einar Gunnarsson.

28.05.2011 20:30

Fyrri keppnisdagur í karlaflokki

Í dag var fyrri dagur í vinaklúbbakeppni Mostra og Vestarr, karlaflokki og var spilað í Stykkishólmi.
 
Keppni hófst kl. 10.00 og voru 16 keppendur skráðir frá Vestarr en 23 frá Mostra.

Fyrst var spilaður Texas og fóru leikar 4,5 - 3,5 fyrir Vestarr
Næst var spila Greensome fóru leikar þar 6-2 fyrir Mostra
og í síðasta leik tvímenning fóru leikar 8- 5

Staðan er því 17,5 - 11,5 fyrir Mostra eftir fyrri dag.

Liðstjóri

27.05.2011 14:59

Frábærar fréttir

Ég fékk í morgun, eldsnemma, hringingu frá Gústa Jóns.  Við vorum svo ljónheppin að eitthvað fyrirtæki á Akranesi í plöntuframleiðslu fór á hausinn.

Nú voru góð ráð dýr þar sem okkur bauðst að nálgast einhvern hluta af þessu.  Valgeir í áhaldahúsinu rauk inn í næsta bíl og óð suður.  Á hæla honum ók Ásgeir Ragnarsson, ásamt bílstjóra, á risavöxnum trailer sem þeir svo fylltu í sameiningu.

Nú eru sem sagt á leið til okkar fullur trailer af trjám sem munu eignast lögheimili á golfvellinum okkar.

Það er ekki amalegt að vera í klúbb með félögum sem bregðast svona við.

Hefðum við þurft að borga fyrir þetta þá gerðum við ekkert annað í langan tíma.

Þeir Ásgeir Ragnars og hans fyrirtæki ásamt þeim Gústa og Valgeir eiga endalausar þakkir skilið fyrir þetta framtak þeirra.

25.05.2011 16:27

Framtíðarpælingar á velli

Á fimmtudag 2, júní reiknum við með því að Roland golfvallarhönnuður eigi fund með félagsmönnum Vestarr þar sem hann mun hlusta á allar tillögur félagsmanna um breytingar og bætingar á vellinum og við munum vera að hugsa til 10-15 ára.  Ef sögumiðstöðin fæst þá munum við hafa fundinn þar og vera með einhverjar glærur.  Fundurinn er hugsaður þannig að félagsmenn komi með sínar villtustu drauma og óskir - allt verði skrifað niður og Roland vinni úr því.  Hann kæmi síðan aftur á fund með okkur þegar hann hefur fulmótað sínar tillögur og félagar kjósa síðan um hverja breytingu fyrir sig.  Það er því mikilvægt að sem flestir mæti og komi með sínar tillögur og sína drauma.  Sumt kannski munum við ekki hafa efni á að framkvæma en það er þá komið á blað og menn vita að hverju er stefnt.

Þetta verður auglýst betur síðar þegar nær dregur.

25.05.2011 09:32

Vinnudagar.

Sælt veri fólkið.

Á mánudaginn síðasta mætti sveit galvaskra kvenna og tók skálann okkar gersamlega í nefið.
Allt var skrúbbað hátt og lágt.  Annað lagfært og lagað.

Á þriðjudaginn mættu síðan strákarnir og fóru um völlinn eins og stormsveipur, allar flatir og allir teigar voru sandaðir.

Frábært að sjá félagana bregðast svo vel við kallinu og kunnum við þeim bestu þakkir fyrir.
Þetta er jú völlurinn okkar og með samstilltu átaki þá smá kemur þetta allt saman.

Nú er bara að vona að hitamælirinn þokist í rétta átt og sú gula láti fara sjá sig.

Ítrekum og endurtökum þakkir til félaganna, frábært að hafa svona vaska sveit.

24.05.2011 09:04

Vinaklúbbakeppni Vestarr/Mostra KVK

Vinaklúbbakeppni kvk Vestarr / Mostra verður Sunnudaginn 29.05 2011 kl: 10:30
Mæting í skála kl: 10.00
Stelpur verum nú duglegar að fjölmenna á völlinn á Sunnudaginn.
Liðstjóri verður Ásgeir Ragnarsson
Skráning á golf.is, konur Vestarr skrái sig á 1 teig.
Þetta er fyrri keppnin og fer hún fram á Bárarvelli.
Allar konur komi með veitingar.
Á morgunn miðvikudag kl: 17.00 verður fundur með liðstjóra auk þess sem við tökum æfingahring á Bárarvelli.

23.05.2011 23:22

Keppnin

Við minnum á fyrir sumarið 2011.

Sú breyting hefur verið gerð að hægt er að sækja um breytingu á braut, ef hjón vilja vera saman til dæmis - nú og líka ef hjón vilja metast!


Rígur, metingur og sjálfumgleði!

Jæja félagar.  Það er ekki oft sem maður hvetur séstaklega til þessa hluta en nú kom að því!

Það er búið að skipta félögunum upp á brautir þannig að hver og einn á sína braut, þetta á við um félaga sem búa á Grundarfirði.  Svona gengur þetta fyrir sig;


Hlutverk þitt:

Í hvert sinn sem þú leikur "þína braut" ber þér að gera eftirfarandi:

-          á og við teig tekurðu rusl (brotin tí, bréfarusl, sígarettustubba og annað) og setur í ruslafötu; sé rusl annars staðar á þinni braut þá fjarlægirðu það einnig á leið þinni

-          á brautinni lagfærir þú fáein torfuför

-          á flötinni gerir þú við fáein boltaför

-          í sandgryfjum snyrtir þú misfellur

-          á þinni braut sérðu um að meðspilarar þínir gangi vel um.

 


Nú er að metast við makann, vinnufélagann og meðspilarann, hver á fallegustu brautina.  Er bekkur á þinni braut, en kúluhreinsir og hvað með..?  Og svo eru menn gríðarlega ánægðir alltaf með sína braut að sjálfsögðu.  Menn og konur mega ganga mjög langt í viðleitni sinni til að vinna.  Verðlaun verða veitt á árshátíð félagsins...

Svona skiptast félagar í lið;                    Braut:

Aðalbjörg A. Gunnarsdóttir 1
Guðbjörg Hringsdóttir 1
Hákon Gunnarsson 1
Ingi Björn Ingason 1
Kjartan Gunnarsson 1
Magnús Soffaníasson 1
Pétur Vilbergur Georgsson 1
Sigríður G Arnardóttir 1
Steinar Þór Alfreðsson 1
Þorkell Már Guðnason 1
Aldís Ásgeirsdóttir 2
Atli Freyr Friðriksson 2
Benedikt Lárus Gunnarsson 2
Elín Sigurðardóttir 2
Friðfinnur Níelsson 2
Guðlaugur Harðarson 2
Heimir Þór Ásgeirsson 2
Ingólfur Örn Kristjánsson 2
Kjartan Sigurjónsson 2
Marinó Ingi Eyþórsson 2
Marteinn Njálsson 2
Ragnar Alfreðs 2
Sigríður I Gísladóttir 2
Anna Bergsdóttir 3
Bent Christian Russel 3
Elvar Þór Alfreðs 3
Guðmundur Reynisson 3
Guðrún Hrönn Hjartardóttir 3
Helga Ingibjörg Reynisdóttir 3
Jófríður Friðgeirsdóttir 3
Kolbrún Haraldsdóttir 3
Nicola Hornsell 3
Ragnar Smári 3
Sigurður Arnar Jónsson 3
Svanur Tryggvason 3
Anna Björg Jónsdóttir Stolz 4
Bergur Einar Dagbjartsson 4
Eva Jódís Pétursdóttir 4
Guðmundur Smári Guðmundsson 4
Hermann Geir Þórsson 4
Jóhann Garðarsson 4
Konráð Hinriksson 4
Rebekka Heimisdóttir 4
Sigurður Helgi Ágústsson 4
Sveinn Sigmundsson 4
Anna Jónína Másdóttir 5
Bryndís Theódórsdóttir 5
Guðni E Hallgrímsson 5
Hinrik Konráðsson 5
Jóhanna Kristín Sigurðardóttir 5
Semek Andri Þórðarson 5
Rósa Guðmundsdóttir 5
Sigurður Sigurðssson 5
Sverrir Karlsson 5
Anna María Reynisdóttir 6
Brynjar Kristmundsson 6
Freydís Bjarnadóttir 6
Guðrún Björg Guðjónsdóttir 6
Hjördís Vilhjálsdóttir 6
Jón Björgvin Sigurðsson 6
Krístín Pétursdóttir 6
Pauline Jean Haftka 6
Sigurður Þorkelsson 6
Unnur Birna Þórhallsdóttir 6
Ágúst Jónsson 7
Dagbjartur Harðarson 7
Friðfinnur Kristjánsson 7
Gunnar Hjálmarsson 7
Hlynur Sigurðsson 7
Jón Frímann Eiríksson 7
Lára Magnúsdóttir 7
Páll Guðfinnur Guðmundsson 7
Runólfur Viðar Guðmundsson 7
Sonja Sigurðardóttir 7
Þorsteinn Bergmann 7
Ásgeir Ragnarsson 8
Dóra Henriksdóttir 8
Gunnar Ragnar Hjartarsson 8
Hugrún Elísdóttir 8
Jón Pétur Pétursson 8
Magnús Álfsson 8
Pétur  Erlingsson 8
Sandra Rut Steinarsdóttir 8
Sóley Soffaníasdóttir 8
Þórður Áskell Magnússon 8
Edvarð Felix Vilhjálmsson 9
Garðar Svansson 9
Gunnar Ragnarsson 9
Inga Gyða Bragadóttir 9
Kjartan Borg 9
Magnús Jónsson 9
Pétur Guðráð Pétursson 9
Sigríður Finsen 9
Þórey Jónsdóttir 9


Muna svo þetta er keppni með stóru Kái.
Gangi öllum vel.

22.05.2011 09:34

Vinaklúbbakeppni Vestarr - Mostra

Karlar athugið.

Mæting í Golfskála kl. 20.00 á næsta fimmtudag. 26 mai.

Formaður kynnir liðstjóra.

Liðstjóri fer yfir dagskrá og reglugerð um Vinaklúbbakeppni Vestarr og Mostra.

Keppnin er laugardaginn 28 mai og er fyrrihluti í Stykkishólmi.

Mikilvægt að sem flestir mæti.

Nefndin.

21.05.2011 21:49

Landsbankamóti frestað

Því miður verður að fresta fyrsta mótinu í Landsbankamótaröðinni

Mótanefnd vill minna á næstu mót

Á næsta laugardag er vinaklúbbakeppni Mostra og Vestarr. Kylfingar skrá sig hjá mostra og á 10 teig.
Svo á sunnudaginn er háforgjafarmótið.

Föstudaginn 3 júni er svo sjómannadagsmót G.RUN hf

Þeir sem ætla að taka þátt í því eru beðnir að skrá sig sem fyrst.
Hægt er að skrá á golf.is og hjá þeim

Garðari í síma 662-1709
og kjartani í síma 860-0714

18.05.2011 14:01

Styrktaraðilar Vestarr

Eftirtafarandi fyrirtæki hafa lýst yfir að þau munu styðja Vestarr árið 2011:
Aðalskoðun
Aríon banki, starfsmannafélag
BM Vallá
Deloitte
Djúpiklettur ehf
Eimskip-Flytjandi
Endurvinnslan
FISK
Fiskmarkaður íslands 
G. Run hf
Grundarfjarðarbær
Hótel Framnes
Hraðfrystihús Hellisands
Ísfell
Kaffi 59
Landflutningar Samskip
Landsbankinn
Lýsing hf
Nesbyggð
Orkusalan
Promens Tempra
S. Thorolfsson ehf
Saltkaup hf
Samkaup
Síminn hf
Skeljungur hf
Steinbock þjónustan
VÍS
Verslunarþjónustan


Þökkum við fyrirtækjunum kærlega stuðninginn og biðjum jafnframt félaga í golfklúbbbnum um að endurgjalda þessum fyrirtækjum stuðninginn eins og kostur er með viðskiptum í framtíðinni.

18.05.2011 10:22

Kennsla 2011

GVG Golfkennsla Sumarið 2011

Einar Gunnarsson PGA golfkennari verður með kennslu fyrir kylfinga á æfingasvæði GVG á þriðjudögum í sumar. Fyrsti þriðjudagurinn er 24. maí og sá síðasti 26. júlí.

Sett vera upp námskeið fyrir hópa en einnig er í boði einkakennsla

Fimman

Fimm skipta námskeið sem tekur á helstu grunnþáttum golfsins. Pútt, vipp, járnahögg, teighögg og leikskipulag eru viðfangsefni námskeiðsins. Námskeiðið er hugsað bæði fyrir byrjendur og þá sem lengra eru komnir. Námskeiðið stendur yfir frá 7. júní til 5. júlí.

Verð 9000 kr

Kvennanámskeið

Þriggja skipta námskeið fyrir konur bæði byrjendur sem og lengra komnar. Farið verður í pútt vipp og slátt.

Námskeið 1: 31. maí til 14.júní

Námskeið 2: 21. júní til 5. júlí

Námskeið 3: 12. júlí til 26. júlí

Verð 5500 kr

Einkakennsla

Hver einkatími er í 30 mínútur þar sem farið er í þau atriði sem kylfingurinn óskar eftir. Allt að þrír kylfingar geta komið í einkatíma.

Kylfingar geta keypt sér 5 skipta áskrift á betri kjörum, en þá eiga þeir tíma frátekinn á hverjum þriðjudegi.

Einstaklingur 4000 kr (3500 í áskrift)

Tveir saman 6000 kr (5500 í áskrift)

Þrír saman 8000 kr (7500 í áskrift)


18:00 - 19:00     Fimman

19:30 - 20:30     Kvennanámskeið

 

Skráning hjá Einar Gunnarssyni PGA golfkennara

                                             GSM: 894-2502  Tölvupóstur: eg@stykk.is




Vafraðu um

Flettingar í dag: 430
Gestir í dag: 91
Flettingar í gær: 309
Gestir í gær: 84
Samtals flettingar: 1612564
Samtals gestir: 186518
Tölur uppfærðar: 12.12.2018 19:38:25

Tenglar