Í samræmi við ákvarðanir stjórnar sendum við bæjarstjóra og bæjarráði eftirfarandi bréf:

Til bæjarstjóra og bæjarráðs Grundarfjarðar.

                Við í golfklúbbi Grundarfjarðar, golfklúbbnum Vestarr, förum þess á leit við Grundarfjarðarbæ að á næsta ári verði samstarf við bæinn í tengslum við unglingavinnuna.  Förum við þess á leit að bærinn útvegi okkur eitt ungmenni til léttra starfa, afgreiðslu og slíkt á vegum unglingavinnu.  Í stað þess verði endurgjaldslaust fyrir öll ungmenni undir 16 ára aldri sem búsett eru í Grundarfjarðarbæ að spila á Bárarvelli allt sumarið.  Slíkt gæti eflt íþróttaáhuga ungmenna og orðið ágætis auglýsing fyrir Grundarfjarðarbæ.

               Einnig óskum við eftir því að fá að vera með í tryggingarpakka sveitarfélagsins en þó þannig að ekki verði fjárhagsleg byrði af því fyrir Grundarfjarðarbæ.  Við myndum því endurgreiða allan hugsanlegan kostnað sem Grundarfjarðarbær yrði fyrir af slíku en því er ekki að leyna að það yrði mun ódýrara fyrir golfklúbb Vestarr að vera hluti af þetta stórum samning fremur en að tryggja ein og sér.

                Sjá Grundarfjaðrarbær sér fært að verða við annarri hvorri þessara óska eða beggja erum við fús og reiðubúinn til að útfæra það í samræmi við óskir Grundarfjarðarbæjar.

                Með bestu kveðju, fyrir hönd Vestarr,

 Þórður Magnússon.

Stjórnarfundur Vestarr

07.09.09 Kl. 20.30

Haldinn í golfskála

Mættir

Pétur Vilbergur Georgsson, Þórður Magnússon, Garðar Svansson, Guðni Hallgrímsson

1. Fundur settur, formaður bauð fundarmenn velkomna og setti fund en þessi fundur er síðasti fundur sumarsins og verður boðað til næsta fundar með tölvupósti
2. Garðar kallaði eftir þeim fundargerðum sem ekki hafa verið birtar enn á vefsíðu Vestarr.
3. Vinaklúbbakeppni kvenna á næsta laugardag.  Farið var yfir skipulag veitingarafgreiðslu fyrir helgina og starfsmannamál.
4. Árshátíð, Auglýsa þarf árshátíðina og hvetja fólk til að skrá sig fyrir 15 september Nauðsynlegt er að fá að vita um fjöldan vegna skipulags árshátíðarinnar. Umræður voru um skipulag og umsjón. Pétur og Guðni sjá um að leita að umsjónaraðila.
5. Vinnudagur á sunnudaginn 13 sept kl 13.00. Gera þarf völlinn vetrarkláran, skyldumæting er hjá stjórn og formönnum ráða, allir félagsmenn hvattir til að mæta og taka þátt. Farið var yfir þau verkefni sem þarf að vinna. Æfingarsvæði, skáli og sjoppa, rusl og dósir, skilti, vélar, grill, kúluvél, áburður, og svæði kringum gáma. Vökvunarkerfi.
6. Umræður voru um skálan og framtíðarskipulag innandyra og þá vinnu sem menn sjá fyrir sér að þurfi að framkvæma.
7. Stefnt er á að næsti fundur verði í byrjun október og þar verði vetrarvinna skipulög.

Fundi slitið kl. 21.25

Garðar Svansson

Fundarritari

Mostri hélt bikarnum.

Þrátt fyrir frábæra endurkomu  Vestarr þá tókst ekki að vinna bikarinn aftur af Mostra.

Í fyrrihluta keppninar sem var haldinn í Stykkishólmi í vor, náði Mostri 9 vinninga  forskoti.

Í texas keppninni tóks Vestarr mönnum að vinna til baka 1 sigur en leikar þar fóru 6,5 - 5,5

Næsta keppni  var  Foursome. Þar bitu Mostramenn frá sér og fóru leikar þannig  4,5 - 6,5

fyrir Mostra. Þegar hér var komið voru Vestarr menn 10 vinningum undir og á brattan að sækja.

Í tvímenning voru 24 sigrar í boði. Þar fóru leikar þannig 17 - 7 fyrir Vestarr. Staðan var jöfn.

Þar sem reglunar segja að ef leikar fara jafnir halda bikarhafar bikarnum áfram. Það var því hlutverk Ásgeirs Vestarr manns að afhenda Ásgeiri Mostramanni bikarinn og var það gert með miklum trega.

Dagurinn var frábær að öllu leiti, gott veður, völlurinn frábær og keppendur höfðu skemmtun og gleði í fyrirrúmi.

Veitingar og viðbúnaður í skála á meðan móti stóð var í höndum kvennadeildar og fengu þær mikið lof fyrir mat og veitingar  og viljum við endurtaka þakkir okkar til þeirra.

Við þökkum Mostramönnum fyrir komuna og góðar stundir á vellinum sem og að móti loknu.

Matseðillinn á Laugardaginn lítur svona út:

Aðalréttur; Grillað lamba og svínakjöt að hætti golfkvenna Vestarr
Eftirréttur; Heit ávaxtakaka með ís

Með'essu verður svo hefðbundið salat, sósur og annað fínerí.