Heimasíða Golfkl. Vestarr, stofn. 1995 s: 438-6520

29.08.2018 22:17

Ótitlað

Ragnars og Ásgeirs mót vegna 50 ára afmælis Þóreyjar Jónsdóttur

 

Laugardaginn 25.september var haldið golfmót af Flutningafyrirtæki Ragnars og Ásgeirs af tilefni 50 ára afmælis Þóreyjar, eins af eigendum fyrirtækisins. Það mættu 48 manns til leiks í blíðskaparveðri. Spilamennskan var nokkuð góð og spiluðu tveir kylfingar á 78 höggum eða 6 höggum yfir pari, sem verður að teljast mjög gott. Það voru þeir Rögnvaldur Ólafsson og Hinrik Hinriksson. Kristín Pétursdóttir vann punktamótið á 41 punkti. Kristín gerði sér lítið fyrir og fór holu í höggi á 8.braut vallarins og er henni óskað hjartanlega til hamingju með það.


 
Þökkum fyrirtækinu Ragnari og Ásgeiri fyrir gott mót  og þátttakendum fyrir frábæran dag!

                     Stjórn Golfklúbbsins Vestarr

29.08.2018 21:37

Stjórnarfundur 28.08.2018

Stjórnarfundur Golfklúbbsins Vestarr 28.08.2018 kl. 12.00.

Haldinn á Kaffi Emil.

Mættir: Garðar Svansson, Gunnar Ragnarsson, Einar Þór Jóhannsson og Unnur Birna Þórhallsdóttir.

1.    Ístaksmót.  Það verður haldið 15.sept. í stað 1.sept. .  Árshátíð verður 8.sept. á eftir Kristmundarbikarnum. Ryder karla verður sunnudaginn 9.sept..

2.    Seinasta mót. Það þarf að setja frétt um seinasta mót, vinningshafa og holuna í höggi J Unnur sér um það.

3.    Aðalfundur.  Verður haldinn mánudaginn 12. Nóvember. Það vantar gjaldkera, ritara og fleira fólk í nefndir og til starfa fyrir klúbbinn.

4.    Næsta sumar. Það er áætlað að setja inn mót í hverri/annarri hverri viku. 9 holu mót. Hvetja fleiri til að taka þátt í mótum.

5.    Fjárhagsmál. Staðan er eins og seinast. Eigum eftir að fá eitthvað inn af styrkjum og fleira.

 

Fundi slitið kl.12.45

Unnur Birna Þórhallsdóttir

Ritari Golfklúbbsins Vestarr

29.08.2018 21:36

Stjórnarfundur 20.08.2018

Stjórnarfundur hjá Golfklúbbnum Vestarr þann 20.08.2018 kl. 20.00.

Haldinn í golfskála að Bárarvelli.

Mættir: Garðar Svansson, Einar Þór Jóhannsson, Helga Ingibjörg Reynisdóttir, Gunnar Ragnarsso og Unnur Birna Þórhallsdóttir.

1.    Afmælismót. Ragnar og Ásgeir sjá um vinninga og allt annað. Umræður um ræsi en Garðar tekur það að sér.  Þurfum fleira fólk í mótanefnd. 

2.    Ístaksmót.  Spilað verður með Texas fyrirkomulagi. Ístak sér um verðlaun og veitingar. Þeir munu einnig styrkja klúbbinn. Það verða fáir heima úr stjórninni og þarf því að finna einhvern til að sjá um mótið.

3.    Kristmundarbikarinn og Ryder.  Kristmundarbikarinn verður þann 8. Í stað 9. Sept. en Ryderinn verður þá þann 9. Í Hólminum.  Gunnar sér um að útvega vinninga frá iðnaðarmönnum á svæðinu. Spilaðar verða 18 holur og tveir saman. Betra skor gildir á skorkorti.

4.    Staða fjármála. Eigum ekki mikinn pening en erum ekki í vandræðum.  Lítið lausafjármagn. Gengur illa að fá styrkina greidda.

5.    Árshátið. Ákveðið að halda árshátið þann 15.sept.  Mót og matur í skála. Eddi, Svanur, Guðni Hall og Palli Guðm. Sjá um árshátíðina.

6.    Tjaldsvæði. Ræða við bæinn um tjaldsvæði bæjarins og athuga möguleika á því að golfklúbburinn reki það ásamt því að setja upp tjaldaðstöðu við golfvöllinn. Gert í samstarfi við bæinn og Martein í Bár.

7.    Önnur mál.  Umræða um völlinn, ástand hans og það sem þarf að gera.

 

Fundi slitið kl.21.20

 

Unnur Birna Þórhallsdóttir

Ritari Golfklúbbsins Vestarr

18.07.2018 09:04

Stjórnarfundur 17.07.2018

Stjórnarfundur Golfklúbbsins Vestarr haldinn 17.07.2018 kl.20.00  í golfskála að Bárarvelli.

 

Mættir: Garðar Svansson, Heimir Þór Ásgeirsson, Hermann Geir Þórsson, Helga Ingibjörg Reynisdóttir, Gunnar Ragnarsson og Unnur Birna Þórhallsdóttir.

1.    Íslandsmót golfklúbba.  Það var samþykkt að senda bæði karla og kvennalið í mótin. Klúbburinn borgar mótsgjald og hádegismat fyrir liðin.  Rætt um liðstjóramál og þá sérstaklega hjá konunum þar sem kominn er liðstjóri hjá körlum. Formaður fer í málið.  Bryggjuchippið verður á Góðri stund og sjá sveitaliðin um það.

2.    Ástand vallarins.  Almenn ánægja með völlinn. Það þarf þó að snyrta gangstíga, laga bönkera og fleira smávægilegt. Það var ákveðið að vinnudagur yrði næsta fimmtudag kl.17.00 - 20.00 og boðið uppá grillaðar pylsur í lokin. Völlurinn á að skarta sínu besta þegar stærsta mót ársins verður haldið.   Formaður og vallarformaður fara yfir það sem þarf helst að gera fyrir vinnudaginn.

3.    Fjármálin.  Staðan er ágæt. Vantar að fá eitthvað inn af styrkjum.

4.    Kvennanefnd. Það vantar formann kvennanefndar. Garðar ætlar að fara á stúfana og athuga málið.

5.    Golfmót. Næsta mót er Soffamótið sem haldið er á Góðri stundu.  Rætt var um að halda eitt mót fyrir þann tíma. Umræður um innanfélagsmót sem og Vesturlandsmót kvenna sem er ekki sett á rétta helgi að þessu sinni!

6.    Önnur mál. Rætt um púttvöll sem stendur til að setja upp inní Grundarfirði í samráði við bæinn.

 

Fundi slitið kl.21.05

 

Unnur Birna Þórhallsdóttir

Ritari Golfklúbbsins Vestarr

  • 1

Vafraðu um

Flettingar í dag: 272
Gestir í dag: 66
Flettingar í gær: 377
Gestir í gær: 127
Samtals flettingar: 1598742
Samtals gestir: 184080
Tölur uppfærðar: 18.11.2018 10:11:37

Tenglar